AGB Sonderangebote Glam`S as, ma is jedes Moi von neuem überrascht wia de moanan, dass oan überraschen kanntn. Ih bin gar ned überrascht, wirklich überhaupt gar nicht, mich wundert gar nichts mehr. Jetzt schaun`s her, damals als des mit dera Autobahngebühr losganga is, da warn mia von Anfang an dabei, von Anfang an, des möcht ih betonen, eigentlich scho vorher. Mia ham doch des mit der Public Relation erst so richtig in Szene gsetzt, mia ham`s PR gnennt, des is scho lang her. Mi dat`s ja ned wundern, wenn ma boid mit einer Feld-und Wiesenweg PR starten. Spass beiseite, ih find des riesig, dass de Unsern diese reibungslos funtionierende, flächendeckende AGB eingführt ham, Autobahngebühr ham mia doch ned immer ausgsprochen. AAGB hod`s dann in da zwoaten Phase für allgemeine Autobahngebühr ghoaßn. In der dritten Phase ham ma`s ASUABG, also allgemeine Straßenund Autobahnbenützungsgebühr gnennt. Nichts is uns auskemma, mia waren lückenlos in der Erfassung. Wenn mia wissen hätten wollen, wo der Einzelne hingfahrn is, des hätt ma lückenlos von da Garage bis zur Garage unserer Kunden song kenna. Quasi ein Einzelfahrnachweis minutiös, ja kilometergenau, do hod uns koana wos vormacha kenna. Do ham mia Listen ghabt, Kennzeichen, Uhrzeiten, Ab-und Anfahrt genau erfasst, ob Land-, Orts-oder Bundesstraße oder Autobahn. Wenn de sich noch früher durchringen hättn kenna, des hätt gebührenpflichtig ein richtiger Erfolg wern kenna. Quasi die Individualität schwarz auf weiß, per Internet runterladbar und bargeldlos abrufbar. Den neuesten PR Evant, den hod mia ein ehemaliger Kollege zuagsteckt. Ih selbst fahr ja auf Haustarif, ja des derf ma no bis jetzt dann des Steuervergünstigungs-Geldwertevorteils-Gesetz ausläuft oder greift. Wia ma`s nimmt, genießen, dann is vorbei, weder der Haustrunk von meim Spezi bei der Brauerei, noch der Haustarif von dem Spezi in der Versicherung, genauso wia der Werksnachlass von der Tante Paula, de doch bei der Verwaltung vom Autokonsortium arbat, wo`s doch ollweil de Autos Made in Germany der Produktion Asia billiger herghabt hod. Schluss is, der Preis wos Brutto kost, der muass zahlt wern. Gsogt hod mei Spezi, wir wolln AGB Sonderangebote jetzt zur nächsten Weihnachtszeit fahrn lassn. Sonderangebote, aber nur eine limitierte Auflage, do schaun`S moi her, mei Spezi hod do so eine Indiskretion an mich weitergebn. Zwischen Oberschleißheim und dem Feldmochinger Autobahnkreuz Sonderangebot Einen Euro Achtzig Cent. Oiso billiger geht`s doch ned, ih moan, wenn`s wissen, wos des sonst kost. Oder do, AB Kreuz Didenburg Nord nur Ein Euro Achtundsiebzig Cent, des nenn ih kundenorientiert. Schod, dass zwischen Oberschleißheim und dem AB Kreuz Didenburg doch ein paar Kilometer mehr liegen, weil solch ein ABG Angebot sollt ma scho nutzen. Mia wern moi schaun, ob mia bei dene in Oldenburg nermand kennan, ih dat den oder de dann scho aus Kostengründen in der Weihnachtszeit bsuacha. Schaun`S wos mia do no mitunter stehn ham, ih sog ja nichts weiter, Schlüsselfeld, Übersee, na de Amis machan do ned mit mit de Hundert Kilometer auf der Autobahn. Na na, do schaun`S her, Aicha vor`m Wald und do do werd ih moi an Abstecher macha, Würzburg Randersacker, des sand ja richtige Preisbrecher, Einen Euro Achtundvierzig Cent, do werd`s zuagehn. Ih glab, ih schau glei moi im Internet nach, wos jetzt die Pkw-Stadtgebühr in Würzburg kost, weil dann machan mia an Ausflug nach Würzburg. Meine Bürgersteigbenützungskarte, de für die Ermäßigung, hob ih im Angebot doch ah für ganz Deutschland kaft. Ein freies Europa für freie Bürger, sog ih nur…
