Ois leistn Muass ma sich ois leistn? Aber wos ma sich ois leistn muass, des muass ma sich erst moi leistn kenna. Ois leistn kenna, des kenna sich immer weniger leistn und wos ma sich leistn müassat, des müassat erst moi zum leistn sei. Leistn`S sich moi des wos ma sich immer scho hod leistn müassn! Des ko sich da Normale immer weniger leistn. Ois leistn müassn? Oh oh, do leistn sich doch grod so vui, de sich ois leistn, über de Verhältnisse von olle z`lebn und werfan dene, de sichs nimmer leistn kenna vor, über de Verhältnisse glebt z`ham. Is scho ah starkes Stück, wos ma sich do auf Kosten aller leistet!
