Aus' Rand und Band #Schwabenrock

[Verse] Was mag doch der Bua au' wölle ? Wo-n-e' gang und wo-n-e' schtand, Überall ischt halt der Bua do , S'bringt me' ganz aus Rand und Band ! [Verse] Wäsch' e' - thuat er Weide schneide , Gras' e' - ischt sei Fuatter aus , Gang e' mit der Gelt' an Brunne, Lasst er's Vieh zum Saufe' raus ! [Chorus] Jed' Nacht kà's Mädle net schlofe Und sitzt im Bettle auf Und gugget zua de Sternle Am blaue Himmel nauf. [Verse] Kehr' e' 's Heu um auf d'r Wies', Mäht er ganz g'wias nehbedra, Gät' e' 's Oh'kraut auf am Acker, Guckt er, ob me schneide ka! [Verse] U'längscht thua-n-e' Bihra schüttle, Wer guckt rüber über d'Heck'? Er, der Überall und Nirge'ds, Dees ischt doch a bissle z'keck! [Chorus] Jed' Nacht kà's Mädle net schlofe Und sitzt im Bettle auf Und gugget zua de Schternle Am blaue Himmel nauf. [Verse] Len't me dean no wieader treffa, Deam will hoiss i' macha d'Höll' Und en g'rad in's G'sicht nei froga, Was er eigentlich denn wöll'. [Verse] Aber noi! dees that' net passe'; Er soll selber froge-n-a! 'S wär' söscht g'rad' koi übler Bua net; Ob er wohl au' schwätze ka? [Chorus] Jed' Nacht kà's Mädle net schlofe Und sitzt im Bettle auf Und gugget zua de Sternle Am blaue Himmel nauf. [Verse] Was mag wohl der Bua au' wölle? Wo-n-e' gang und wo-n-e' schtand, Überall ischt halt der Bua do, 'S bringt me' ganz aus Rand und Band! [Outro] Überall ischt halt der Bua do, 'S bringt me' ganz - aus Rand und Band!