Wos ma doa soi Wos ma doa soi? Wos soi ma doa an langa Tog lang, wos doa, wos soi ma den liabn langa Tog doa, wenn ma nix mit sich ohzfanga woaß? Zerst moi wos doa, überhaupt wos doa? Wos ma doa soi, wenn ma nix mit sich ohzfanga woaß? Nix ohfanga is s`End und wenn`s da Anfang vom End is wos ma doa soi, fangt ma bestens jung scho oh. Wenn ma oid is oder scho älter als nimmer ganz jung, is schwerer des Richtige ohzfanga wos Sinn macht und an langa Tog herhoit. Dass ma ausgfüllt scho auf `n nächstn Tog wart und dass ma wieder ohfanga derf. Wos ma doa soit soit ma doa und wenn ma erst moi ohfangt.
