Bleds Verlanga Wia bled, wia bled moana de, dass mia sand? Und wenn ma ah so bled warn, bled, nacha hätt ma`s glatt verdient. Wia bled, wenn mia de für bled hoitn de`s uns guad moana. Aber guad gmoant is no lang ned gscheit gmacht. Wia bled, wenn mia nimma bled und gscheit ausananda hoitn kenna. De Gscheitstn sand heut sowas von bled, dass einigen Gscheitn scho z`bled is, sich zu de Gscheitn z`zähln. Saubled, wenn ma vor lauter Bescheidenheit de leisn Gscheitn nimmer hört, de bledn müassn uns ja laufend als Experten ihrer Dummheiten de Ohrn vollplärrn. Sche bled, aber de Bledn verlanga ja danach.
