Sinnlos Der Sinn is los. Wos is bloß mit dem Sinn los? An Wert dat`s braucha für an Sinn. Sinn ohne Wert, sinnlos und los is da Sinn. A Sinn dat d`Suche lohna, aber mi`m Wert ham`s vom Sinn her a Problem. Sinnlos wenn`s um an Wert geht, weil wo macht da Wert an Sinn, wenn`s den Sinn losgmacht ham und da Sinn sinnlos is. Er is dann bloß a Fassade für an Wert der an sich sinnlos is, wenn der Wert an sich mit Sinn festgmacht is. Wos soi`s, heut is ois sinnlos, weil`s song, in da Konsequenz is ois Zuafall. Und moi ehrlich, macht da Zuafall an Sinn, wenn sonst ois auf `n Millimeter genau zuagehn muass?
