Hirnbatzerl Kennan Sie no a Hirnbatzerl? Des hods schnell moi gebn und z`meist wars nötig. Hob ih selba oans kriagt, hob ih seltn gsogt, recht so des host verdient. Ah Hirnbatzerl, wos is des scho? Des "erl" zoagt scho a gewisse Verniedlichung, so de quasi sanfte Zurechtweisung, aber immer no a Hoppla Hoppla, so gehts doch ned. Ih dat so gern, wenn ih nur kannt, aber wenn olle des verdiena datn, ih werdat so schnell nimmer fertig, drum geb ihs mit a paar Fingerschnipsa und Tintenstrichen. Ah wos, des vertrogt ned jeder? War scho immer so, de Leut verstehn seltn, wenn ma eahna mit am Hirnbatzerl als Anstoß kimmt. Leider vui warten drauf, dass ah Faust auf sie hernieder rauscht. Des Hirnbatzerl is aus da Mode kemma, heid hod ma Bretter in da Hand.
