Warst du ned? Warst du ned dabei, du warst doch ah dabei? Du sogst, geh lass ma mei Ruah. Mei is des ned ois lang vorbei? Warst du ned oana von dene de gsogt ham „Des dat`s braucha“? Warst du ned ah der der gmoant hod „Solang`s mi ned unmittelbar betrifft?“ Dann hod`s irgendwann doch an jeden berührt, ned nur de wo`s am Anfang hätt berühren sollen. Warst du ned dabei wia`s so gmüatlich war, vom Wohnzimmer aus Zzz Zzz z´song? und selbstverständlich host ah du nur de gmoant. Dann hod`s ah dich troffen. Wia konnst du nur glaubt hom, immer de andern. Warst du ned dabei? Und jetzt gibst sogar Gott die Schuld „Wenn`s Gott gibt, warum hod er des ois zuaglassen?“ Warst du ned dabei als alle Gebote mit Gesetzen gebrochen wurden? Du host koa Gesetz gschrieben, du host nur die Stimmung dafür wia dagegen mitgmacht. Warst du ned dabei? Und du warst dabei. Selbst dann werst dabei sei, wenn`s den Deckl von deim Sarg zuaschrauben und an deim Grab song „Jetzt is er erlöst, ein wahrlich guader Mensch is von uns ganga.“ Du warst dabei bis zur letzten Lüge in dem letzten Akt.
