Stroof 1 Et is Winter in de Südstadt, et Johr is frisch jenannt, Neujohr is vürbei, Fastelovend noch unbekannt. De Stroos is still, kaum eene jeht vürbei, im Zabi brennt zwar Leech, doch de Stöhl stonn frei. Refrain Duudedanz im Zabi keene do, nur Schadde an de Wand Duudedanz im Zabi leere Gläser, kahle Hand Stroof 2 De Jukebox schlööf, de Thek verwaist, et Kölsch steht eröm, un keene schreit. Nur et Knarze vum Holz,alles su drüsch als ob e janz aal Jespens durch de Kneip flüsch Refrain Duudedanz im Zabi zwischen Neujohr un Karneval Duudedanz im Zabi et Hätz es do, doch de Büggel schmal Stroof 3 Un der Dick steht hinge de Thek, luurt erüm, rooch sing Kipp, „Dat es Duudedanz“, säät hä leis un schlau, „de Zick em Winter, do kütt eenfach keen Sau.“ Bridge Nur de Jespenster danze hee, met aalem Schmuh un voller Heemwieh, Se kannte de Thek, jede Naach, han se fröhe de Naach zom Daach jemaat Refrain Duudedanz im Zabi nur de Schadde haale hee wach Duudedanz im Zabi bis Fastelovend alles widde laach Outro Noch e paar Woche, dann jeht et loss, Kostüm, Kamelle, Lärm un Spass Doch bis dahin bliev et wie et es: Duudedanz im Zabi – met Jespenster all demm Driss
