Bist sche ohzong Wos bist heut so sche ohzong, host no wos vor? So ah schens Hemd, ko mi gar ned erinnern, dass`d des Hemd scho moi ohghabt host. Host sicher wos vor. Was machst, gehst furt? Ah woher, nix host vor und du ziahgst dich so sche oh. Sog scho, gei du host no wos vor. Ah so ah schens Hemd, fehlt bloß no ah Krawattn, dat da ah ned schlecht stehn. Aber heut kimmt ma überall ah ohne Krawattn nei. Gehst ins Theater? Ah des soi ih glauben, nur einfach so, einfach so, so kenn ih dich gar ned, sonst machst doch auch nix einfach nur so. Bist sche ohzong, des Hemd war bestimmt ned billig, nur so, du muasst as hom. Jetzt sog`s hoid. Triffst no jemanden, mechst no jemandem gfoin? Irgendwas muass doch auf sich ham. Bestimmt host wos vor, des glaub ih jetzt moi einfach nur so. Wo host denn des Hemd kaft?
