Jetzt kriang ma Zuaständ - 06.07.2009

Jetzt kriang ma Zuaständ Jetzt is boid so weit, nacha wern ma ganz schene Zuaständ kriang. Do werd wos kemma. Ma muass koa Prophet, ned moi ah kloana sei, do kimmt wos und des gspannt doch jeder der no hoibwegs normal denkn ko. Ja mit dem Normaldenkn is des so a Sach. …normal auf dem breiten Weg, do muass ma nur no zuastimma, sich bled diskutiern lassn, auf dass ma nur no Ja song ko. Jetzt glangts langsam und de Gschwindigkeit nimmt zua, dass ma gar nimma mitkimmt, wia mia uns in de Zuaständ neizwingan. Oh des werd no wos gebn, nacha wern de Superschlauen vor- und neidenkn, ganze Badewannen zum Hände in Unschuld waschn aufstelln. Na na, ned für de depperte Masse, irgendwer muass ja de Schuld wirklich ausbadn. Wia hod da Prophet doch gsogt? …mein Volk geht zugrunde an Mangel an Erkenntnis. …aber der Prophet hod ned des gmoant wos ma heut ois zum dakenna soit.