Ollwei de selben - 19.08.2020

Ollwei de selben Es is ollwei so, dass ollwei de selben do sand, sehr beschaulich, dass ma sich drauf verlassen ko. Ollwei sand de selben do und ah mia sand so oft de selben und ollwei steht bei uns in da Anrede. Ah schau, de sand ah wieder do, de sand ollwei do. Ollwei und ollwei hoaßt ah ollwei. Des sand de Beständigen, des sand de bei dene des so dazua ghert, dass garned geht ohne trifftigen Grund einfach ned do z`sei. Ih lieb des Ollwei und am schensten is, wenn ois stad is und nur de do sand de ollwei do sand. Mia sand ah genau solche. Ollwei, Gott sei Dank.