Hauptsach dabei Grod hoaßt`s Hauptsach dabei. Sand`s dabei, des is d`Hauptsach und is vorbei, ja Gott sei`s gedankt, dann hoaßt`s, Hauptsach ma war ned dabei. Aufschnaufa ko ma, mei oh mei, wenn de Akten dazua dies einwandfrei belegen, scho, song ma moi, fünfzig Jahre gsperrt sand. Grod hoaßt`s, Hauptsach dabei und ja ned widersprechen, ma is widerspruchslos dabei. Und dann? Ja dann, wia gsogt is d`Hauptsach, dass ma gar ned dabei war. Ja mei, wer wui des in fünfzig Jahren scho no wissen? Hauptsach mia selber ham`s vergessen. Ih? Na ih war doch do ned dabei, ih hob wo ih kenna hob widersprochen. Sein`s stad, ih war des ned, do müssen`s mi scho verwechseln.
