Ho-i-yan-ho-way-ye-yan～ Ho-way-yan-ho-hay-yan～ I-ya-ho-hay-yan-ho-in-i-ye-yan～ Ho-in-i-ye-yan-hay-yan～ Ci Sera aci Nakaw o lalengawan si no Pangcah itira Cilangasan ko ’orip nano to’as. Ci Sera aci Nakaw o tatapangan si no Pangcah na itira Cilangasan maepod tala Kiwit. O Pangcah hananay a tamdaw, o Pangcah hananay a tamdaw, o matayalay to romi’ami’ad, caayay ka talaw to cidal ato ’orad. So’elinay mato wawa no riyar ato lotok kita o misaPangcahay. Ho-i-yan-ho-way-ye-yan～ Lipahak to romi’ami’ad, lipahak to romi’ami’ad. Kita o misaPangcahay. Ho-way-yan-ho-hay-yan～ Micekiw sa i riyar, mikalang i ’alo, lipahak to romi’ami’ad. Hi yo ho hay yan～ Caay ka cango’ot kita to saka ’orip ato kakaenen. Ano malalok a matayal i, adihay i riyar ko dateng, adihay i palapalaan ko sinafel, manga’ay haca a talalotok a mi’adop, mitalakal. So’elinay mato wawa no riyar ato lotok kita o misaPangcahay. Ho-i-yan-ho-way-ye-yan～ Lipahak to romi’ami’ad, lipahak to romi’ami’ad. Kita o misaPangcahay. Ho-way-yan-ho-hay-yan～ Kalimelaaw no mita ko taneng no rayray no tato’asan no mita, pa’oripaw no mita ko makapahay a sowal no mita o Pangcah. So’elinay mato wawa no riyar ato lotok kita o misaPangcahay. Ho-i-yan-ho-way-ye-yan～ Lipahak to romi’ami’ad, lipahak to romi’ami’ad. Kita o misaPangcahay. Ho-way-yan-ho-hay-yan～ Pa’oripaw no mita ko makapahay a sowal no mita o Pangcah. No nano to’as, hatiraay ko demak no mita sa o Pangcah. I-ya-ho-hay-yan-ho-in-i-ye-yan～ Ho-in-i-ye-yan-hay-yan～
