Jung, dumm Jung, dumm, oid, saublöd. Welcher Schriftsteller hod des glei wieder gsagt? War des jetzt der Hemingway? Aber saublöd hod der Hemingway gwiss ned gsagt. Jung, dumm, oid und ah ned gscheider gworn. Hod`s doch so ghoaßn? Na na, doch eher oid, saudumm. Ned olle saudumm, aber hoid ah ned jeder jung und dumm. Diese Sprüche sand sehr subjektiv. Jung, dumm, oid, saublöd blim. Wenn doch der Hemingway den Spruch erfunden hod, entschuldigen`S meine Auslegung. Der Oskar Maria Graf hätt so an Blödsinn nicht von sich geben, „Der alte Mann und das Meer“ ist doch das Sinnbild der Altersweisheit. Sei es egal was er gsagt hat. Jung, dumm, älter gworn, genauso blim. Nur wenige sand gscheider gworn, ein Münchner Dichter sprachs.
