Cafe Schuler Wos ma ned macha soit, is Geheimtipps zu verraten. Aber wenn`s hoid grad so guad schmeckt? Ih sag`s ned weiter und werd mi hüten, Ihnen ein weiteres meiner Stammcafes zu verraten. Am End essen Sie mir mein letztes Stückal von meinem Lieblingskuacha im Cafe Schuler in Bad Tölz vor da Nosn weg. Es ist traurig, dass ma langsam vergisst, wia ma früher a Tortn gmacht hod. Es gibt immer weniger Dichter unter den Konditoren. Da nickt Frau Schuler, de woin heut alles aus`m Eimer raus macha, genauso schmeckt`s ah manchmoi. A gscheite feine Creme, ein Aroma wo ma denkt, oh is des a Gedicht. Ih ko doch ned jedes Moi bis nach Tölz fahrn, aber wenn dann unbedingt, weil ih zum Kuacha a Sofa mog, unbedingt doppelbetont ins Cafehaus mit Tradition. Wos ma ned macha soit, z`song, wo`s das Beste gibt, am End kemman olle. Und ih? Wenn dann jeder Platz besetzt is?
