Die Wahl ham Wos wern die Besseren blass im Gsicht, wia gfährlich is doch de Demokratie, vor allem wenn`s ned so nausgeht wia`s machtbeflissen gwünscht war. Ma wünscht sich mehr davo, so richtig populistisch, so richtig nach Volkes Wille und des mit na sattn Mehrheit. Ja so is des mit da Demokratie, wenn do ned des mit da bledn Mehrheit wär. Hod ois Dämonisiern nix gnützt, der Ungehorsame und grod so mit Angstmacherei Eingschüchterte sehgt sei letzte Chance in der Anonymität der Wahlkabine, des is dann sei persönlicher Striptease. Do durchkreuzt er doch glatt ab und zua des wos einsuggeriert unbedingt des Richtige sei müasst. Die Wahl ham setzt a Alternative voraus und hod ma no so vui Alternativen, in na Demokratie muass jede teilnehmende Partei de absolute Mehrheit hom kenna und derfa. Wer des ned akzeptiern ko hod grundsätzlich a totalitäres Problem.
