Ih kenn München nimmer Wos is aus München gworn? Ih kenn`s kaum mehr, ois schaut so anders aus. Ih hör koa Bayerisch mehr. Ah des war scho vor 20 Jahren genauso, bloß jetzt no a bisserl mehr. Grad im Cafe Guglhupf, koa bayerische Bedienung mehr, ja mei des ko ma sich vielleicht nimmer leisten. Durch d`Sendlinger Straß zu meiner Anwältin, ah de redt no a schens Bayerisch. Ih kenn München nimmer und do moan ih ah so a Gefühl des ma hod, wenn ma sich dahoam fühlt. Wos is aus München gworn? Guad, ih kimm so selten do rein und früher war ih fast täglich do, des kannt ih ma nimmer vorstellen. Muass ih ma ah ned vorstellen, München kennt mi ja ah nimmer.
