Drauß`n von München - 17.02.2009

Draußn von München München is ah schene Stadt, wenn ma moi abseits geht siehgt ma a Stadt mit Nischn und Platzal. München ko koid sei und ah so wirkn, dann moant ma, ma dastickt. München von draußn gsehn ziahgt oh, do geht ma gern aus, do werds`Tanzbein gschwunga, do werd ned nur gsogt, ma sei do geborn, des gspürt ma ah irgendwia. Draußn vor da Stadt do is vui besser zum leben, des sogt ma sich, wenn ma rausfahrt aus dem großen Kaufhaus, des München für de meisten is. Draußn von München überlegt ma, wos ma ois scho in dem München erlebt und verlebt hod. Es is hoid ned nur da Nama, der im Ausweis unter`m Geburtsort steht. München, wos für ahVerhältnis? Wo is des Herz dieser Stadt?