Im Trubel Ma muass an Trubel aushoitn, vom Kenna is ned die Rede. Im Trubel braucht ma a Ruah, wenn ma`s hod. Ma muass Geduld beweisen, wenn ma durch`n Trubel mecht, aber ma mecht ja wos. Im Trubel erkennt ma d`Leut, ob`s wartn kenna oder ned. Im Trubel denkt ma sich, so vui Leut, ja gibt`s so vui Leut, oder woin so vui Leut ah grod do wos. Ma muass an Trubel aushoitn, die Rede is davo, wos ma davo hod. Ja wenn ma wos wui, dann nimmt ma so vui in Kauf, ja im Trubel geht`s meist drum, wos ma ois braucht und doch scho längst ham soit und deswegen is ma ja ah a Teil vom Trubel, ah wenn ma seine Schleichwege abseits und um an Trubel rum kennt.
