Hod des guad do Wos hod des guad do, ma hod sei Sprach wieder ghört, ma hod den Unterschied gspürt, ma hod dalebt, ma is wer der sich no obhebn ko. Hod des guad do, de ham olle verstandn, obwohl`s ollweil gsogt ham „Was hat er denn gesagt?“ Er hod gsogt, mei hod des guad do. Sei Sprach braucht ma so gar ned verdraht, ned gekünstelt, so gredt wia`s in oan neigwachsn is. Und do war`s wieder, do wieder so oana, mei Sprach, der versteht mi, ih versteh`s und freu mi drüber. Red weiter, ih hör`s so gern, es gibt no wen von do. Hod des guad do, dern ma`s so selbstverständlich wia ma sonst ah redt. Ih kannt`s gar ned anders und müassn dua ih`s ja no ned. So ungleich im Dialekt, des duat guad und an de Gleichen freut ma sich. Hod des guad do.
