Spotzal - 31.01.2008

Spotzal Mei Spotzal, du host a einfache Welt vor dir. Mei Spotzal, und selbst der Höchste hod dich bedacht. Koa Spotzal foit vom Himmel und der Herr wüsst`s ned. Song woit er damit wia wichtig doch jeder Mensch so is, wichtiger als du Spotzal, aber des is dir egal, dir geht`s um des wos ganz nahe liegt. Wia wichtig kenna doch de Krummen sei, die den so wichtigen Menschen obefoin. Mei Spotzal, von dir gibt`s so vui, so unzählig und doch so einmalig, einmalig dann, wennst ganz nah herkimmst. Die Welt is einfach vor dir, manchmoi kannt und soit der gscheide Mensch a bisserl neidig auf dich sei. So is doch Spotzal, na Spotzal, dich hob ih ned gmoant, ih red mit am Vogal.