Auf `n Kopf gstellt Die Dinge stehn Kopf, in Jahren werd ma song, wia ham mia des nur macha kenna, vom Denkn garned z`redn. Drunter und drüber is ganga, ma werd`s ned glam. Wenn ma song werd, ja mei, des war hoid so und olle ham gmoant, anders hätt ma ned kenna. Je gscheider umso bleder warn`s. Oder ham`s gmoant, eahnare Interessen dat`s diena? Vui konnt ma ned macha und de Klügeren ham nochgebn. War des a Zeit und mia mittendrin. Ma muass de Dinge wieder auf die Beine stelln, des Normale is Kopfgstandn und d`Leut ham dacht, des wär normal. Eahnare Köpf sand laufend bled gredt worn und diese Propaganda hod ma zeitgemäß gnannt. Auf de Füße z`stehn hod im Kopf ganz sche weh doa kenna.
