Mogst mi inspiriern? Wennst mi inspiriern mogst, host as bestimmt scho do. Auf d`Inspiration wart ma ned, de muass do sei. Mogst mi inspiriern, sei so wias`d bist und denk gar ned an mi. So is des in am Cafe, de sand olle so wia`s sand und grod do schnappt ma`s auf. Wär ois gstellt, des dat koa Inspiration sei. Des Guade wia des Schlechte frogt ned nach dem der`s beschreibt, ma duat`s und ma ko`s Kunst nenna. Dann wär`s die Umsetzung dessen wos ma ois Inspiration wahrnimmt und du, grod du, host mi scho so oft inspiriert. Aber des ko ma gar ned ois niederschreibn, weil des ghört scho tief in oam zu oam selbst.
