Danke Bürgermoasta Wenn`s am Rathaus vorüber gehn, denken`S dro, do drin hockt da Bürgermoasta umananda und is er ned grod do, dann is er hoid anderswo. Der do drin, da Bürgermoasta von München, is a Sonderfall von am Bürgermoasta. Ma ko denka wia ma wui, aber der is a typischer Münchner, den versteh erst moi wer will. Wenn`S am Rathaus vorüber gehn und ah grad der Bürgermoasta auseschaun dat, grüßen`S eahm von mir, weil der den Spaß versteht, ah über sich selba lacha z`kenna. Schaut er Eahna dann ernst oh, schaun`S eahm genauso zruck. Nur ned rot wern, der Münchner werd`s verstehn, wenn ma eigentlich schwarz is und doch ah an Roten mog, irgendwo zumindest. Wenn`S wia ih über`n Marienplatz zum Rathaus fast täglich schaun, denken`S dro, do drin werd Münchner Gschichte gschriebn.
