Da Landshuter Silbermann - 10.06.2020

Da Landshuter Silbermann Mei Freund für den ih immer wos übrig hob, der steht do und hod immer an Witz auf Lager, ah wenn ih de meisten scho kenn, ih lach trotzdem. Da Silbermann is koa Witzfigur, der hod ah ernste Gschichte und mein Respekt hod er auf alle Fälle. Bin ih in Landshut und er steht ned an seim Eck, frog ih mi, wos is los? Ah Woch später... Gott sei Dank, er steht wieder do. Na mein Freund, wia gehts? Oh obgnomma hod er, des is ma glei aufgfoin. Ja sogt da Silbermann, nur durch Denken zehn Kilo obgnomma. Des probier ih heid Abend ah, Eiskonfekt nur durch Denken, durch de nimm ih ned zua und im Bad die Waage sogt es mir dann genau. Silbermann, ih freu mi jedes moi wenn ih di sehg, do san mir de Kilos wurscht, mei Sympathie ghört da eh.