Um wos geht`s Sand`S ma ned bös, wahrscheinlich ham ma`s verdient, ja verdient, dass ma von solche Nullnummern regiert werden. Wer scho lang nimmer de Grundrechenarten ko und in klare Texte ois mögliche neiinterpretiert, bloß ned lesen wui wos gschriebn steht, dem werd sei Zukunft vergehn. Sand`S ma ned bös, d`Welt werd zum Irrenhaus umfunktioniert und Massen kapiern gar nimmer um wos geht, Hauptsach d`Instinkte wern befriedigt. Es muass so weit kemma, dass ma selbst an Satan für Gott hoit und eahm auf den Thron der Menschheit setzt. Ha ha, ma kannt lacha, wenn`s ned so traurig wär. Ich bin Eahna ned bös, Sie derfan weiterhin so doa als dass Eahna nia oana wos gsogt hätt und tausend Gründe sprecha dafür, aber eine Sekunde nach eahnan Tod wern`S wissen um wos eigentlich ganga is. Ma is scho stad, darüber redt ma ned, jedm sei Sach und doch, olle geht`s oh. Mia ham`s verdient, so verdient wia ma jetzt de Lügner, Verläumder, Mörder und Unzüchtigen über uns ham. Mia kennan sogar song, de ham mia uns selber gwählt.
