Mei erste Lederhosn Do ham Zweiundvierzig Jahre Leben in München vergehn müssn, do hob ih mir an Titel gwählt der so vui am Bayerischen rührt, aber a Lederhosn hod`s ma no nia gleit. Haferlschuah scho, do hob ih scho mehrere Paar aus Kirchanschöring vom Meindl zammaglaffa. Ja von de Schuah her do lieb ih von Herbst bis zum Frühjahr meine bayerischen Cowboyschuah, aber Leder über de Wadln war bis gestern no ned ohgsogt. Doch jetzt kannt ih mi hinstelln und song, siehgst a boarischer Dichter und des Klischee vom Bayer dat stimma, grod desweng hod`s wahrscheinlich so lang dauert, weil ih hoid koan Kitsch mog. Mei erste Lederhosn werd nur ohzong wo`s ernsthaft zur Sach als Bayer geht. Es gibt außer`m Oktoberfest ja ah no andere Anlässe, zum Beispiel Maitanz oder ah moi a Lesung. Mei Lederhosn hod scho no wos vor.
