Abroad wale dost, abroad wale dost, Apne ghar ki shaadi chhod ke, Meri shaadi mein aane wale dost, Ek-doosre ko sambhaalne wale, Khud ki lagi ho Lanka, Phir bhi sabko hasaane wale dost. Yeh Thailand kya jaayenge, Har gali Thai massage thukraane wale dost. Hazaaron ke sapne dekhne wale, करोड़ kamaane wale dost. Yeh kisi aur ko kya ghar laayenge, Agar le aaye toh khud kaise ghar jaayenge? Abhi toh time zone seekha hi tha, Ab kyun khaai mein dhakka khaayenge? Jinhe tairna aata nahi tha, Saat samundar paar kudne wale dost, Paani haath mein maangne wale, Teen time khana banaane lage dost. Cricket dil mein basa hai, Magar goron ko dekhne wale dost. Honey-Sunny ke aashiq, Techno ke badshah banne wale dost. Jesus se dosti karke, Paani ko daaru banaane wale dost, Usi daaru ko peekar, Ex ko yaad karne wale dost. Maa ne poocha — “Ghar kab aaoge?” Aapne hi toh kaha tha, “Khoob kamaoge.” Phir ab kyun poochhte ho — “Paas kab aaoge?” Dil par haath rakh ke bol dete — “Nahi Maa, jald hi aayenge.” Das-das rupaye kamaane wale baap ne, Lakhon ke baappu ka loan le liya, Apna dil desh ke bahar bhej diya. Dil ke jigri toh humne bhi door kar diye, EMI bharte-bharte saare gham pee liye. Tha nahi yahan apna koi, Anjaanon ko apna bana liya, Naam bina pooche, Visa ka stress baant liya. Abroad wale dost, abroad wale dost, Khud ki lagi thi Lanka, Ek lap dance mein khush hone wale dost. Khud door hain ghar se, Phir bhi sabke saath khade dost. Mic drop. Adios, amigos. Naman out……. of India.
