ds büro isch hützutags heller aus d gsichter im lift jede grüesst jede louft jede weiss öppis wo nid darf use uf em bildschirm blinke zahle uf em händy es lächle u irgendwo zwüsche drinne verliert sech öpper sälber mir rede vo synergie u meine trennige mir rede vo effizienz u meine stimmene wo langsam verhalle e tabelle het no nie glitte aber mönsche scho u irgendwo zwüsche druck u pflicht vergässe mir öppis d würdi vom mönsch passt i ke zyle ke bonus ke büdsche ke bilanz mir sy meh was du em angere nimmsch feut am ändi o bi dir drum gib was de hesch es liecht es ohr es härz liebi wird nid weniger we me se teilt sit ching ha i gmerkt i lose angers i ghöre zwüschetön wo angeri überhöre ha mi chly gmacht für irgendwo dezue z‘ghöre ha glächet wänn i nümme gwüsst ha wie me lächlet ha mi lang gfrogt was mit mir nid stimmt bis ds läbe langsam zrügg gfragt het „wär het gseit dass mit dir öppis muess stimme?“ d würdi vom mönsch passt i ke zyle ke bonus ke büdsche ke bilanz mir sy meh was du em angere nimmsch feut am ändi o bi dir drum gib was de hesch es liecht es ohr es härz liebi wird nid weniger we me se teilt mini tochter schribt mit tinte us offnige frage si gseht träne hinder lächle einsamkeit hinder erfolg u wenn i ihre zuelose ghör i öppis wo mir bekannt vorchunnt wie es echo wie nes lied wo scho lang vor ihre i mir gspielt het aber öppis isch angers si muess dä wäg nid elei gah u mängisch fragen i mi wär i wär worde we öpper eifach nebe mir gsässe wär ohni mi z repariere ohni mi z vergliiche ohni antworte eifach nume da ke boum fragt dr waud öb är gnue gross isch ke fluss entschuldiget sech für sis bett ke vogel schämt sech für sis lied nume mir ire zyt voll verbindige sy viu mönsche wyt vonenang entfärnt drum gib was de hesch ou wenns chly isch e hand es wort es härz wiu am ändi blibe nid d titel nid dr bonus nid dr applaus nume d spure wo mir i angerne hinterlöh u de ghör i die jungi stimm nid luter aber klarer ehrlicher u einisch meh gsehni hoffnig chunnt mängisch nid vo dene wo alles wüsse sondern vo dene wo no tröime u irgendwo zwüsche all denne stimme ghör i wieder d’ zwüschetön.
