ka paceged aken. (當我甦醒) semulapulaput ta mudingan a ljavek. (輕撫臉頰的海) qivu tjanuaen tu djemaljunanga tjuzuma. (跟我說到了異鄉) ika setavak a vinarungan. (感受格格不入) inia maqati a sedjalu. (無法融入其中) pasacadja a pacun ta simasiw. (望向遠方的島嶼) ljigelaw, saljiyuq! (洋流 啟航) makalaut ta qacavan na viqeviq. (狂浪後的險存 ka djemaqesi ivililj a sinasian. (撲浪後的氧息) ljemita a picul na viqeviq qezetjen aken.(每道力浪將我壓下) ljakua ika sa kiljateku tjaimadju.(但我仍不服輸於它) itua ljemavek ku kidjekecen a pinakazuanan na zaljum.(捲浪下我碰著水痕) a picul kacuin aken pasacadja. (力道將我帶向遠方) siqeceng aken ta qadaw na ljavek.(海水為我遮蔽烈陽) maciul amen. (它與我同行 kipusaladj tjanuaen. (它與我伴行) vaik amen ljemacadja. (它與我遠行) cemikel tua sicuayan a kadjunangan. (奔回曾經的根土) cemikel tua ku kinatjengelayan a qinaljan. (奔回我愛的故鄉) a.. qudjidjilj a maledep.(酒紅色的夕陽) natemeljar tua vinarungan a semedjalu. (照應內心的熱情) namaseljac napupicul.(讓它溫暖 讓它有力) veleqed aken tua veleljeveljan na ku umaq.(讓我懷念家的美) ka sematjumaq aken. (當我回到家) naramaljeng a sikac. (年邁的生活) namaqacuvung a kacavacavan. (中壯的身體) natjaukaqacuvung a sikinemeneman. (輕年的思維) ljemizaw aken taza ljavek.(我望那片洋) nasivali a pasacadja.(曾飄向遠方) maciul amen.(它與我同行) kipusaladj tjanuaen. (它與我伴行) vaik amen ljemacadja. (它與我遠行) a i sasaw ta simasiw a lamalj. (島嶼外的漂流木) cemikel tua sicuayan a kadjunangan. (奔回曾經的根土) cemikel tua ku kinatjengelayan a qinaljan. (奔回我愛的故鄉) singelit aken tjanusun, vuvu.(我想念你，奶奶)
